Trending

पोखराको शान्त मा. वि. मा साइबर क्राइम सम्वन्धि सचेतना

पोखरा । लायन्स क्लब अफ पोखरा ग्रीन वेभको आयोजना तथा जिल्ला प्रहरी कार्यालय कास्कीको समन्वयमा पोखरा १८ मा रहेको शान्त माविमा साइबर क्राइम सम्वन्धि सचेतना कार्यक्रम बिहीबार सम्पन्न भएको छ । पछिल्लो समय समाजमा साइबर क्राइम बढ्दै गएकाले समयमै सचेत गराउन उक्त विद्यालयका कक्षा ९ देखि १२ सम्मको विद्यार्थीलाई प्रशिक्षण गराइएको हो ।

विद्यार्थीलाई प्रशिक्षण जिल्ला प्रहरी कार्यालय कास्कीका प्रहरी नायव उपरिक्षक सुन्दर तिवारीले गरेका थिए । उनले प्रशिक्षणकै क्रममा गत वर्ष कास्कीमा मात्रै २ सय ९७ वटा निवेदन साइबर क्राइम सम्वन्धिको रहेको जानकारी दिए । सामाजिक सञ्जालको प्रयोग बढिरहेको हुँदा अपरिचित व्यक्तिलाई सजिलै विश्वास नगर्न उनको भनाई थियो । साथै सामाजिक सञ्जालबाट समस्यामा परेकालाई तिरस्कार होइन साथीभाई तथा परिवारले साथ दिनु अत्यावश्यक रहेको उनले बताए । प्रहरी नायव उपरिक्षक तिवारीले साइबर क्राइमबाट बच्न कस्ता कदम चाल्नुपर्छ वा समयमै कसरी सचेत हुन सकिन्छ लगाएतको विषयमा प्रशिक्षण दिएका थिए । साथै किशोर किशोरीलाई सामाजिक सञ्जालमा राती अवेरसम्म च्याट गरेर बस्दा साइबर क्राइम हुन सक्ने भन्दै उनले सचेत गराएका थिए ।

औपचारिक कार्यक्रममा पिआरओ इन चिफ एमजेएफ लायन किशोर बरालले साइबर क्राइमबाट आफु पनि बच्न र अरुलाई पनि सचेतना गराउन आग्रह गरे ।
कार्यक्रममा शान्त माविका प्रधानाध्यापक शंकरराज अधिकारीले प्रशिक्षणबाट विद्यार्थीले आफु सचेत हुने र अरुलाई सचेत गराउन महत्वपूर्ण भूमिका खेल्नेमा विश्वस्त रहेको बताए ।

लायन्स क्लब अफ ग्रीन वेभकी अध्यक्ष लक्ष्मी लामाले कार्यक्रम भव्यरुपमा सम्पन्न गर्ने सहभागिहरुलाई धन्यवाद ज्ञापन गरेकी थिइन् ।
कार्यक्रममा स्वागत मन्तव्य क्लबकी द्धितिय उपाध्यक्ष गिता तिवारीले राखेको थिइन् भने कार्यक्रमको सञ्चालन क्लबकी सचिव सरस्वती पुरीले गरेकी थिइन् ।

Facebook Comments Box