Trending

पोखरा पर्यटन परिषदद्वारा १५ लाखका स्वास्थ्य सामग्री हस्तान्तरण

मानव जीवन रक्षा पहिलो प्राथमिकता– मुख्यमन्त्री गुरुङ

पोखरा ,१६ जेठ
गण्डकी प्रदेशका मुख्यमन्त्री पृथ्वीसुब्बा गुरुङले नागरिकको जीवन रक्षा पहिलो प्राथमिकता भएको बताउनुभएको छ । पोखरा पर्यटन परिषद्ले आज पोखरामा आयोजना गरेको अत्यावश्यक स्वास्थ्य उपकरण हस्तान्तरण कार्यक्रममा मुख्यमन्त्री गुरुङले खोपलाई पहिलो प्राथमिकता दिएर नागरिकको जीवन रक्षा लागि प्रदेश सरकारले प्राथमिकता साथ काम गरेको बताउनुभयो । उहाँले राष्ट्रपति विद्यादेवी भण्डारीलेबाट पनि खोपको लागि सकारात्मक पहल भएको र बजेटले पनि स्वास्थ्यलाई पहिलो प्राथमिकता राखेको जनाउँदै मन्त्रीपरिषद्बाट पनि खोप खरिद गर्नेको लागि संघसरकारलाई सिफारिश गरेको जानकारी दिनुभयो ।
उहाँले प्रदेश अक्सिजनमा आत्मनिर्भर रहेको उल्लेख गर्दै स्वास्थ्य उपचारका लागि आवश्यक पूर्वाधार निर्माणको कार्य दु्रत गतिमा भइरहेको उहाँको भनाइ थियो । स्रोत साधन र जनशक्तिको समेत अभाव हुन नदिन सरोकारवालाई निर्देशन दिइरहेको जनाउँदै उहाँले बेला बेलामा हुने ‘टेक्निकल इरर’का कारण विरामीको मृत्यू हुने दुखद भएकोे र यसलाई गम्भिर रुपमा लिएको बताउनुभयो ।
“पश्चिमाञ्चल स्वास्थ्य विज्ञान प्रतिष्ठान कोभिड उपचार अस्पताल भएको छ अब सङ्क्रमितको उपचारको लागि कुनै पनि समस्या हुँदै न” उहाँले परिषद्ले उपलब्ध गराएको अत्यावश्यक स्वास्थ्य उपकरणले कोभिड १९ का विरामीलाई उपचारमा सहज हुने बताउनुभयो ।
पोखरा महानगरपालिका प्रमुख मानबहादुर जिसीले कोभिड १९ को महामारीको समयमा मानवीय जीवनलाई प्राथमिकतामा राखेर काम गर्नु पर्ने धारणा राख्नुभयो । उपलब्ध स्रोत साधनको सदुपयोग र परिचालनमा चिकित्सक एवम् स्वास्थ्यकर्मीको भूमिका महत्वपूर्ण हुने जनाउँदै महामारीको समयमा परिषद्को सहयोगले मानव जीवन रक्षामा ठूलो भूमिका खेलेको बताउनुभयो ।
मुख्यमन्त्रीले उक्त सामग्री संक्रामक तथा सरुवा रोग अस्पतालका चिकित्सक विकास गौचन, पश्मिाञ्चल क्षेत्रीय स्वास्थ्य विज्ञान प्रतिष्ठानका चिकित्सक डुक बहादुर क्षेत्री र मातृशिशु मितेरी अस्पतालका चिकित्सक पुष्कर गौचनलाई हस्तान्तरण गर्नुभएको थियो ।
पोखरा पर्यटन परिषद्का अध्यक्ष गोपीबहादुर भट्टराइले कोरोना महामारीको अवस्थामा मानवीय सेवालाई केन्द्रविन्दुमा राख्दै परिषद्को नेतृत्वमा उक्त सामग्री छिमेकी मुलुक चीनबाट आयात गरीएको जानकारी दिनुभयो । “सामाजिक उत्तरदायित्वसँग मानवीय सेवालाई केन्द्रविन्दुमा राखेर स्वास्थ्य सामग्री आयात गरेर अस्पतालहरुलाई हस्तान्तरण गरेका हौँ ।” भट्टराईले भन्नुभयो । उहाँका अनुसार करिब १५ लाख मुल्य बराबरको अत्यावश्यक कोभिड अक्सिजन कन्सन्ट्रेटेड मेशिन ६ थान सहित अक्सिजन मेशिन (१० लिटर) चार थान, पिपिइ सेट पाँचसय थान, पञ्जा एकहजार पिस, मास्क १० हजार पिस स्वास्थ्य सामग्री हस्तान्तरण गरिएको हो । नमस्ते कम्यूनिटी फाउण्डेशन अध्यक्ष भिष्म पौडेलले दुई थान अक्सिजन कन्सन्ट्रेटेड मेशिन सहयोग गर्नुभएको थियो ।
सो सामग्रीका पोखराको पर्यटन व्यवसायी संघसंस्था, व्यवसायी लगायत रेवान पोखराका पूर्व महासचिव श्रीराम गिरीको समन्वयमा नेपलीज एशोसियशन जर्जिया अध्यक्ष भवन्द्रे बस्नेत र अमेरिकाको जर्जिया राज्यका लागि जनसम्पर्क दूत दीपक पहारी समेतले सहयोग गर्नुभएको संस्थाका महासचिव रामचन्द्र शर्माले जानकारी दिनुभयो ।

Facebook Comments Box