पोखरा महागनरले क्वारेनटाइन बनाउने, कोरोना संक्रमण र नियन्त्रण गर्न उपप्रमुखको संयोजकत्वमा समिति


पोखरा, चैत ११ गते ।
कोरोना संक्रमण रोकथाम र नियन्त्रणका पोखरा महानगरपालिकाले उपप्रमुख मञ्जुदेवी गुरुङको संयोजकत्वमा समिति गठन गरेको छ । महानगर प्रमुख मानबहादुर जिसीको अध्यक्षतामा मंगलबार विहान बसेको बैठकले समिति गठन गरेको हो ।

समितिको सदस्यमा वडा नम्वर १९ का अध्यक्ष शोभामोहन पौडेल, वडा नम्वर ९ का अध्यक्ष रामराज लामिछाने, वडा नम्वर २६ का अध्यक्ष चेतबादुर गुरुङ, वडा नम्वर १३ अध्यक्ष दर्शन लामा, वडा नम्वर ६ का अध्यक्ष जगत पहारी, महानगर स्वास्थ्य महाशाखा प्रमुख हेमन्त शर्मा, मोहन बास्तोला र सदस्य सचिवमा अधिकृत किरण कोइरालालाई चयन गरिएको छ ।

त्यस्तै बैठकले पोखरा महागनरले क्वारेनटाइन बनाउने निर्णय गरेको छ । क्वरेन्टाइन व्यवस्थापनका लागि पोखरा महागनरपालिका वडा नम्वर १९ का अध्यक्ष शोभामोहन पौडेलको संयोजकत्वमा अर्को समिति गठन गरेको छ । समितिले क्वरेन्टाइनका लागि आवश्यक सामाग्रीको ब्यवस्थापन गर्ने छ । समितिको सदस्यहरुमा लक्ष्मीप्रसाद पौडैल, भरतराज पौडेल, फुलदेव तिमिल्सेना, अर्जुनबादुर खत्री क्षेत्री रहेका छन् ।

सृजनाचोक र नदिपुरमा १५० बेडको क्वारेन्टाइन
पोखरा महानगरपालिकाले पोखराका दुई ठाँउमा क्वारेन्टाइन बनाउने भएको छ । कोरोना संक्रमण रोकथाम र नियन्त्रणका लागि पोखराको सृजनाचोकमा रहेको लेक सिटि हस्पिटल एण्ड क्रिटिकल केयर प्रालिमा एक सय बेड र पोखराकै नदिपुरमा पद्यम नसिङ होमको स्वामित्वमा रहेको (पुरानो बृद्ध) हस्पिटलामा ५० बेडको क्वारेन्टाइन अस्पताल आज दिनभरिमा तयार गर्ने निर्णय गरेको छ ।

दुवै अस्पतालमा आवश्यक बेड लगायत उपचारका सामाग्री तयारी अवस्थामा रहेकाले अन्य बाँकी काम पुरा गरेर भोलीबाटै सञ्चालनमा ल्याइने महानगर उपप्रमुख मञ्जुदेवी गुरुङले बताइन् । लामो समयदेखि बन्द रहेका कारण सरसफाई लगायत अन्य केही सामाग्रीहरु व्यवस्थापन आज दिनभरीमा हुने र भोलीबाट सञ्चालनमा ल्याउन सकिने उपप्रमुख गुरुङले बताइन् ।

दुवै हस्पिटलमा महानगरप्रमुख मानबहादुर जिसी, उपप्रमुख मञ्जुदेवी गुरुङ सहित वडा अध्यक्ष र स्वास्थ्यकमीहरु सहित विहान अवालोकन गरे । अवलोकनपछि महानगर प्रमुख मानबहादुर जिसीले अस्पतालमा आवश्यक सामाग्रीको व्यवस्थापन महानगरले गर्ने र आज दिनभरिमा व्यवस्थापन गर्न महानगर स्वास्थ्य महाशाखालाई निर्देशन दिनुभयो ।

अहिले यी दुई हस्पिटलमा तयारी गर्ने र आवश्यकता परे अन्य ठाँउमा व्यवस्थापनका लागि लयारी गर्नै प्रमुख जिसीले बताए । सृजनाचोकमा रहेको लेक सिटि हस्पिटल एण्ड क्रिटिकल केयर प्रालिमा आइसोलेसन बेड समेत बनाउन सकिने छ । हस्पिटलक डाक्टर कृष्ण नेपालीले एक सय बेडमा ५० बेड आइसोलेसन बेड बनाउन सकिने बताए ।

Facebook Comments